अध्याय 75: मेघनाद का यज्ञ भंग करने लक्ष्मण का प्रस्थान

मेघनाद के मुरछा जागी । पितहि बिलोकि लाज अति लागी ॥
तुरत गयउ गिरिवर-कंदरा । करउँ अजय-नख अस मन धरा ॥

meghanāda ke murachā jāgī | pitahi biloki lāja ati lāgī ||
turata gayau girivara-kaṃdarā | karaum̐ ajaya-nakha asa mana dharā ||

इहाँ बिभीषन मन्त्र बिचारा । सुनहु नाथ बल अतुल उदारा ॥
मेघनाद मख करइ अपावन । खल मायाबी देव सतावन ॥

ihām̐ bibhīṣana mantra bicārā | sunahu nātha bala atula udārā ||
meghanāda makha karai apāvana | khala māyābī deva satāvana ||

जौँ प्रभु सिद्ध होइ सो पाइहि । नाथ बेगि पुनि जीति न जाइहि ॥
सुनि रघुपति अतिसय सुख माना । बोले अङ्गदादि कपि नाना ॥

jaum̐ prabhu siddha hoi so pāihi | nātha begi puni jīti na jāihi ||
suni raghupati atisaya sukha mānā | bole aṅgadādi kapi nānā ||

लछिमन सङ्ग जाहु सब भाई । करहु बिधंस जग्य कर जाई ॥
तुम्ह लछिमन मारेहु रन ओही । देखि सभय सुर दुख अति मोही ॥

lachimana saṅga jāhu saba bhāī | karahu bidhaṃsa jagya kara jāī ||
tumha lachimana mārehu rana ohī | dekhi sabhaya sura dukha ati mohī ||

मारेहु तेहि बल-बुद्धि-उपाई । जेहिं छीजै निसिचर सुनु आई ॥
जामवन्त सुग्रीव बिभीषन । सेन समेत रहेहु तीनिउ जन ॥

mārehu tehi bala-buddhi-upāī | jehiṃ chījai nisicara sunu āī ||
jāmavanta sugrīva bibhīṣana | sena sameta rahehu tīniu jana ||

जब रघुबीर दीन्हि अनुसासन । कटि निषंग कसि साजि सरासन ॥
मनु प्रताप उर धरि रनधीरा । बोले घन इव गिरा गम्भीरा ॥

jaba raghubīra dīnhi anusāsana | kaṭi niṣaṃga kasi sāji sarāsana ||
manu pratāpa ura dhari ranadhīrā | bole ghana iva girā gambhīrā ||

जौँ तेहि आजु बधें बिनु आवउँ । तौ रघुपति सेवक न कहावौं ॥
जौं सत-सङ्कर करहिँ सहाई । तदपि हतउँ रन राम-दोहाई ॥

jaum̐ tehi āju badheṃ binu āvaum̐ | tau raghupati sevaka na kahāvauṃ ||
jauṃ sata-saṅkara karahim̐ sahāī | tadapi hataum̐ rana rāma-dohāī ||