अध्याय 65: कुम्भकर्ण का वानर-सेना पर प्रहार, सुग्रीव का हरण

बन्धु बचन सुनि फिरा बिभीषन । आयउ जहँ त्रैलोक-विभूषन ॥
नाथ भूधराकार-सरीरा । कुम्भकरन आवत रनधीरा ॥

bandhu bacana suni phirā bibhīṣana | āyau jaham̐ trailoka-vibhūṣana ||
nātha bhūdharākāra-sarīrā | kumbhakarana āvata ranadhīrā ||

एतना कपिन्ह सुना जब काना । किलकिलाइ धाये बलवाना ॥
लिये उपारि बिटप अरु भूधर । कटकटाइ डारहिँ ता अपर ॥

etanā kapinha sunā jaba kānā | kilakilāi dhāye balavānā ||
liye upāri biṭapa aru bhūdhara | kaṭakaṭāi ḍārahim̐ tā apara ||

कोटि कोटि गिरि सिखर प्रहारा । कहिँ भालु कपि एकहि बारा ॥
मुर्यो न मन तनु टर्यो न टार्यो । जिमि गज अर्क-फलनि के मारे ॥

koṭi koṭi giri sikhara prahārā | kahim̐ bhālu kapi ekahi bārā ||
muryo na mana tanu ṭaryo na ṭāryo | jimi gaja arka-phalani ke māre ||

तब मारुतसुत मुठिका हन्यो । पर्यो धरनि ब्याकुल सिर धुन्यो ॥
पुनि उठि तेहिं मारेउ हनुमन्ता । घुर्मित भूतल परेउ तुरन्ता ॥

taba mārutasuta muṭhikā hanyo | paryo dharani byākula sira dhunyo ||
puni uṭhi tehiṃ māreu hanumantā | ghurmita bhūtala pareu turantā ||

पुनि नल नीलहि अवनि पछारेसि । जहँ तहँ पटकि पटकि भट डारेसि ॥
चली बलीमुख-सेन पराई । अति भय त्रसित न कोउ समुहाई ॥

puni nala nīlahi avani pachāresi | jaham̐ taham̐ paṭaki paṭaki bhaṭa ḍāresi ||
calī balīmukha-sena parāī | ati bhaya trasita na kou samuhāī ||