अध्याय 63: कुम्भकर्ण की फटकार और श्रीराम-दर्शन की लालसा

भल न कीन्ह तैं निसिचर-नाहा । अब मोहि आइ जगाएहि काहा ॥
अजहूँ तात त्यागि अभिमाना । भजहु राम होइहि कल्याना ॥

bhala na kīnha taiṃ nisicara-nāhā | aba mohi āi jagāehi kāhā ||
ajahūm̐ tāta tyāgi abhimānā | bhajahu rāma hoihi kalyānā ||

हैं दससीस मनुज रघुनायक । जाके हनूमान से पायक ॥
अहह बन्धु तैं कीन्हि खोटाई । प्रथमहिँ मोहि न सुनाएहि आई ॥

haiṃ dasasīsa manuja raghunāyaka | jāke hanūmāna se pāyaka ||
ahaha bandhu taiṃ kīnhi khoṭāī | prathamahim̐ mohi na sunāehi āī ||

कीन्हेहु प्रभू बिरोध तेहि देवक । सिव बिरञ्चि सुर जाके सेवक ॥
नारद मुनि मोहि ग्यान जो कहा । कहतेउँ तोहि समय निरबहा ॥

kīnhehu prabhū birodha tehi devaka | siva birañci sura jāke sevaka ||
nārada muni mohi gyāna jo kahā | kahateum̐ tohi samaya nirabahā ||

अब भरि अङ्क भेंटु मोहि भाई । लोचन सुफल करउँ मैं जाई ॥
स्याम-गात सरसीरुह-लोचन । देखउँ जाइ ताप-त्रय-मोचन ॥

aba bhari aṅka bheṃṭu mohi bhāī | locana suphala karaum̐ maiṃ jāī ||
syāma-gāta sarasīruha-locana | dekhaum̐ jāi tāpa-traya-mocana ||