अध्याय 58: कालनेमि वध, भरत के बाण से हनुमान गिरे

कपि तव दरस भइउँ निष्पापा । मिटा तात मुनि बर कर सापा ॥
मुनि न होइ यह निसिचर घोरा । मानहुँ सत्य बचन कपि मोरा ॥

kapi tava darasa bhaium̐ niṣpāpā | miṭā tāta muni bara kara sāpā ||
muni na hoi yaha nisicara ghorā | mānahum̐ satya bacana kapi morā ||

अस कहि गई अपछरा जबहीं । निसिचर निकट गयउ कपि तबहीं ॥
कह कपि मुनि गुरदछिना लेहू । पाछें हमहिँ मन्त्र तुम्ह देहू ॥

asa kahi gaī apacharā jabahīṃ | nisicara nikaṭa gayau kapi tabahīṃ ||
kaha kapi muni guradachinā lehū | pācheṃ hamahim̐ mantra tumha dehū ||

सिर लंगूर लपेटि पछारा । निज तनु प्रगटेसि मरती बारा ॥
राम राम कहि छाड़ेसि प्राना । सुनि मन हरषि चलेउ हनुमाना ॥

sira laṃgūra lapeṭi pachārā | nija tanu pragaṭesi maratī bārā ||
rāma rāma kahi chār̤esi prānā | suni mana haraṣi caleu hanumānā ||

देखा सैल न औषध चीन्हा । सहसा कपि उपारि गिरि लीन्हा ॥
गहि गिरि निसि नभ धावत भयऊ । अवधपुरी ऊपर कपि गयऊ ॥

dekhā saila na auṣadha cīnhā | sahasā kapi upāri giri līnhā ||
gahi giri nisi nabha dhāvata bhayaū | avadhapurī ūpara kapi gayaū ||