अध्याय 57: हनुमान के मार्ग में कालनेमि का कपट आश्रम

अस कहि चला रचिसि मग माया । सर मन्दिर बर बाग बनाया ॥
मारुत-सुत देखा सुभ आश्रम । मुनिहिं बूझि जल पियौं जाइ श्रम ॥

asa kahi calā racisi maga māyā | sara mandira bara bāga banāyā ||
māruta-suta dekhā subha āśrama | munihiṃ būjhi jala piyauṃ jāi śrama ||

राच्छस कपट बेष तहँ सोहा । मायापति-दूतहि चह मोहा ॥
जाइ पवन-सुत नायउ माथा । लाग सो कहइ राम-गुन-गाथा ॥

rācchasa kapaṭa beṣa taham̐ sohā | māyāpati-dūtahi caha mohā ||
jāi pavana-suta nāyau māthā | lāga so kahai rāma-guna-gāthā ||

होत महा रन रावन रामहिँ । जितहहिं राम न संसय या महिँ ॥
इहाँ आये में देखउँ भाई । ज्ञान-दृष्टि-बल मोहि अधिकाई ॥

hota mahā rana rāvana rāmahim̐ | jitahahiṃ rāma na saṃsaya yā mahim̐ ||
ihām̐ āye meṃ dekhaum̐ bhāī | jñāna-dṛṣṭi-bala mohi adhikāī ||

माँगा जल तेहिं दीन्ह कमंडल । कह कपि नहिँ अघाउँ थोरें जल ॥
सर मज्जन करि आतुर आवहु । दिच्छा देउँ ज्ञान जेहिं पावहु ॥

mām̐gā jala tehiṃ dīnha kamaṃḍala | kaha kapi nahim̐ aghāum̐ thoreṃ jala ||
sara majjana kari ātura āvahu | dicchā deum̐ jñāna jehiṃ pāvahu ||