अध्याय 56: रावण हनुमान को रोकने कालनेमि के पास

राम-चरन-सरसिज उर राखी । चला प्रभंजन-सुत बल भाखी ॥
उहाँ दूत एक मरम जनावा । रावन कालनेमि गृह आवा ॥

rāma-carana-sarasija ura rākhī | calā prabhaṃjana-suta bala bhākhī ||
uhām̐ dūta eka marama janāvā | rāvana kālanemi gṛha āvā ||

दसमुख कहा मरमु तेहिं सुना । पुनि पुनि कालनेमि सिर धुना ॥
देखत तुम्हहि नगर जेहिं जारा । तासु पन्थ को रोकन पारा ॥

dasamukha kahā maramu tehiṃ sunā | puni puni kālanemi sira dhunā ||
dekhata tumhahi nagara jehiṃ jārā | tāsu pantha ko rokana pārā ||

भजि रघुपति करु हित आपना । छाँड़हु नाथ मृषा जल्पना ॥
नील-कञ्ज-तनु सुन्दर स्यामा । हृदयँ राखु लोचनाभिरामा ॥

bhaji raghupati karu hita āpanā | chām̐r̤ahu nātha mṛṣā jalpanā ||
nīla-kañja-tanu sundara syāmā | hṛdayam̐ rākhu locanābhirāmā ||

मैं तैं मोर मूढ़ता त्यागू । महा मोह निसि सूतत जागू ॥
काल-ब्याल कर भच्छक जोई । सपनेहुँ समर कि जीतिअ सोई ॥

maiṃ taiṃ mora mūr̤hatā tyāgū | mahā moha nisi sūtata jāgū ||
kāla-byāla kara bhacchaka joī | sapanehum̐ samara ki jītia soī ||