अध्याय 54: मेघनाद की शक्ति से लक्ष्मण मूर्छित

घायल बीर बिराजहिँ कैसे । कुसुमित किंसुक के तरु जैसे ॥
लछिमन मेघनाद दोउ जोधा । भिरहिँ परसपर करि अति क्रोधा ॥

ghāyala bīra birājahim̐ kaise | kusumita kiṃsuka ke taru jaise ||
lachimana meghanāda dou jodhā | bhirahim̐ parasapara kari ati krodhā ||

एकहि एक सकइ नहिं जीती । निसिचर छल बल करइ अनीती ॥
क्रोधवन्त तब भयउ अनन्ता । भञ्जेउ रथ सारथी तुरन्ता ॥

ekahi eka sakai nahiṃ jītī | nisicara chala bala karai anītī ||
krodhavanta taba bhayau anantā | bhañjeu ratha sārathī turantā ||

नाना विधि प्रहार कर सेषा । राच्छस भयउ प्रान अवसेषा ॥
रावन-सुत निज-सन अनुमाना । संकठ भयउ हरिहि मम प्राना ॥

nānā vidhi prahāra kara seṣā | rācchasa bhayau prāna avaseṣā ||
rāvana-suta nija-sana anumānā | saṃkaṭha bhayau harihi mama prānā ||

बीरघातिनी छाडिसि साँगी । तेज-पुञ्ज लछिमन उर लागी ॥
मुरछा भई सक्ति के लागें । तब बलि गयउ निकट भय त्यागें ॥

bīraghātinī chāḍisi sām̐gī | teja-puñja lachimana ura lāgī ||
murachā bhaī sakti ke lāgeṃ | taba bali gayau nikaṭa bhaya tyāgeṃ ||