अध्याय 38: अंगद चार मुकुटों का रहस्य बताते हैं

नारि बचन सुनि बिसिख समाना । सभाँ गयउ उठि होत बिहाना ॥
बैठ जाइ सिंहासन फूली । अति-अभिमान त्रास सब भूली ॥

nāri bacana suni bisikha samānā | sabhām̐ gayau uṭhi hota bihānā ||
baiṭha jāi siṃhāsana phūlī | ati-abhimāna trāsa saba bhūlī ||

इहाँ राम अङ्गदहि बोलावा । आइ चरन-पङ्कज सिर नावा ॥
अति-आदर समीप बैठारी । बोले बिहँसि कृपाल खरारी ॥

ihām̐ rāma aṅgadahi bolāvā | āi carana-paṅkaja sira nāvā ||
ati-ādara samīpa baiṭhārī | bole biham̐si kṛpāla kharārī ||

बालितनय कौतुक अति मोही । तात सत्य कहु पूछउँ तोही ॥
रावन-जातुधान-कुल-टीका । भुज-बल-अतुल जासु जग लीका ॥

bālitanaya kautuka ati mohī | tāta satya kahu pūchaum̐ tohī ||
rāvana-jātudhāna-kula-ṭīkā | bhuja-bala-atula jāsu jaga līkā ||

तासु मुकुट तुम्ह चारि चलाये । कहहु तात कवनी विधि पाये ॥
सुनु सर्वज्ञ प्रनत-सुखकारी । मुकुट न होहिं भूप-गुन-चारी ॥

tāsu mukuṭa tumha cāri calāye | kahahu tāta kavanī vidhi pāye ||
sunu sarvajña pranata-sukhakārī | mukuṭa na hohiṃ bhūpa-guna-cārī ||

साम दान अरु दंड बिभेदा । नृप उर बसहिँ नाथ कह बेदा ॥
नीति धरम के चरन सुहाये । अस जियँ जानि नाथ पहिँ आये ॥

sāma dāna aru daṃḍa bibhedā | nṛpa ura basahim̐ nātha kaha bedā ||
nīti dharama ke carana suhāye | asa jiyam̐ jāni nātha pahim̐ āye ||