अध्याय 37: दो पुत्र मरे, अब भी सीता लौटा दो

जेहिं जलनाथ बँधायउ हेला । उतरे सेन समेत सुबेला ॥
कारुनीक दिनकर-कूल-केतू । दूत पठायउ तव हित हेतू ॥

jehiṃ jalanātha bam̐dhāyau helā | utare sena sameta subelā ||
kārunīka dinakara-kūla-ketū | dūta paṭhāyau tava hita hetū ||

सभा माँझ जेहिं तव बल मथा । करि-बरूथ-महुँ मृगपति जथा ॥
अङ्गद हनुमत अनुचर जाके । रन बाँकुरे बीर अति-बाँके ॥

sabhā mām̐jha jehiṃ tava bala mathā | kari-barūtha-mahum̐ mṛgapati jathā ||
aṅgada hanumata anucara jāke | rana bām̐kure bīra ati-bām̐ke ||

तेहि कहँ पिय पुनि पुनि नर कहहू । सुधा मान ममता मद बहहू ॥
अहह कन्त कृत राम बिरोधा । काल बिबस मन उपज न बोधा ॥

tehi kaham̐ piya puni puni nara kahahū | sudhā māna mamatā mada bahahū ||
ahaha kanta kṛta rāma birodhā | kāla bibasa mana upaja na bodhā ||

काल दंड गहि काहु न मारा । हरइ धर्म बल बुद्धि बिचारा ॥
निकट काल जेहि आवत साँई । तेहि भ्रम होइ तुम्हारिहि नाँई ॥

kāla daṃḍa gahi kāhu na mārā | harai dharma bala buddhi bicārā ||
nikaṭa kāla jehi āvata sām̐ī | tehi bhrama hoi tumhārihi nām̐ī ||