अध्याय 35: रावण झुका, अंगद राम के पास लौटे

कपि-बल-देखि सकल हियँ हारे । उठा आपु कपि कें परचारे ॥
गहत चरन कह बालिकुमारा । सम-पद-गहें न तोर उबारा ॥

kapi-bala-dekhi sakala hiyam̐ hāre | uṭhā āpu kapi keṃ paracāre ||
gahata carana kaha bālikumārā | sama-pada-gaheṃ na tora ubārā ||

गहसि न राम-चरन सठ जाई । सुनत फिरा मन अति-सकुचाई ॥
भयउ तेज-हत श्री सब गई । मध्य-दिवस जिमि ससि सोहई ॥

gahasi na rāma-carana saṭha jāī | sunata phirā mana ati-sakucāī ||
bhayau teja-hata śrī saba gaī | madhya-divasa jimi sasi sohaī ||

सिंहासन बैठेउ सिर लाई । मानहुँ सम्पति सकल गंवाई ॥
जगदातमा-प्रानपति-रामा । तासु बिमुख किमि लह बिश्रामा ॥

siṃhāsana baiṭheu sira lāī | mānahum̐ sampati sakala gaṃvāī ||
jagadātamā-prānapati-rāmā | tāsu bimukha kimi laha biśrāmā ||

उमा राम की भृकुटि-बिलासा । होइ बिस्व पुनि पावइ नासा ॥
तृन ते कुलिस कुलिस तृन करई । तासु दूत पन कहु किमि टरई ॥

umā rāma kī bhṛkuṭi-bilāsā | hoi bisva puni pāvai nāsā ||
tṛna te kulisa kulisa tṛna karaī | tāsu dūta pana kahu kimi ṭaraī ||

पुनि कपि कही नीति विधि नाना । मान न तासु काल निअराना ॥
रिपु-मद-मथि-प्रभु-सुजस सुनायो । यह कहि चलेउ बालि-नृप-जायो ॥

puni kapi kahī nīti vidhi nānā | māna na tāsu kāla niarānā ||
ripu-mada-mathi-prabhu-sujasa sunāyo | yaha kahi caleu bāli-nṛpa-jāyo ||

हतौं न खेत खेलाइ खेलाई । तोहि अबहिँ का करउँ बड़ाई ॥
प्रथमहिँ तासु तनय कपि मारा । सो सुनि रावन भयउ दुखारा ॥

hatauṃ na kheta khelāi khelāī | tohi abahim̐ kā karaum̐ bar̤āī ||
prathamahim̐ tāsu tanaya kapi mārā | so suni rāvana bhayau dukhārā ||

जातुधान अङ्गद पन देखी । भय ब्याकुल सब भये बिसेखी ॥

jātudhāna aṅgada pana dekhī | bhaya byākula saba bhaye bisekhī ||