अध्याय 30: केवल राम के वचन से अंगद रुके हैं

अब जनि बतबढ़ाव खल करही । सुनु मम बचन मान परिहरही ॥
दसमुख मैं न बसीठीं आयउँ । अस बिचारि रघुबीर पठायउँ ॥

aba jani batabar̤hāva khala karahī | sunu mama bacana māna pariharahī ||
dasamukha maiṃ na basīṭhīṃ āyaum̐ | asa bicāri raghubīra paṭhāyaum̐ ||

बार बार अस कहइ कृपाला । नहिँ गजारि जस बधें सृकाला ॥
मन महँ समुझि बचन प्रभु केरे । सहेउँ कठोर बचन सठ तेरे ॥

bāra bāra asa kahai kṛpālā | nahim̐ gajāri jasa badheṃ sṛkālā ||
mana maham̐ samujhi bacana prabhu kere | saheum̐ kaṭhora bacana saṭha tere ||

नाहिँ त करि मुख-भजन तोरा । लेइ जातेउँ सीतहि बरजोरा ॥
जानेउँ तव बल अधम सुरारी । सूनें हरि आनिहि परनारी ॥

nāhim̐ ta kari mukha-bhajana torā | lei jāteum̐ sītahi barajorā ||
jāneum̐ tava bala adhama surārī | sūneṃ hari ānihi paranārī ||

हैं निसिचर-पति गर्ब बहूता । मैं रघुपति-सेवक-कर-दूता ॥
जौँ न राम अपमानहिं डरउँ । तोहि देखत अस कौतुक करऊँ ॥

haiṃ nisicara-pati garba bahūtā | maiṃ raghupati-sevaka-kara-dūtā ||
jaum̐ na rāma apamānahiṃ ḍaraum̐ | tohi dekhata asa kautuka karaūm̐ ||