अध्याय 29: ब्रह्मा का लेख और अंगद का उत्तर

जरत बिलोकेउँ जबहिँ कपाला । विधि के लिखे अङ्क निज भाला ॥
नर कें कर आपन बध बाँची । हसेउँ जानि विधि गिरा असाँची ॥

jarata bilokeum̐ jabahim̐ kapālā | vidhi ke likhe aṅka nija bhālā ||
nara keṃ kara āpana badha bām̐cī | haseum̐ jāni vidhi girā asām̐cī ||

सोउ मन समुझि त्रास नहिँ मोरें । लिखा बिरञ्चि जरठ-मति-भोरें ॥
आन बीर बल सठ मम आगें । पुनि पुनि कहसि लाज पति त्यागे ॥

sou mana samujhi trāsa nahim̐ moreṃ | likhā birañci jaraṭha-mati-bhoreṃ ||
āna bīra bala saṭha mama āgeṃ | puni puni kahasi lāja pati tyāge ||

कह अङ्गद सलज्ज जग माहीं । रावन तोहि समान कोउ नाहीँ ॥
लाजवन्त तव सहज सुभाऊ । निज-मुख निज गुन कहसि न काऊ ॥

kaha aṅgada salajja jaga māhīṃ | rāvana tohi samāna kou nāhīm̐ ||
lājavanta tava sahaja subhāū | nija-mukha nija guna kahasi na kāū ||

सिर अरु सैल कथा चित रही । ता तें बार बीस तैं कही ॥
सो भुजबल राखेउ उर घाली । जीतेहु सहसबाहु-बलि-बाली ॥

sira aru saila kathā cita rahī | tā teṃ bāra bīsa taiṃ kahī ||
so bhujabala rākheu ura ghālī | jītehu sahasabāhu-bali-bālī ||

सुनु मति-मन्दु-देहि अब पूरा । काटें सीस कि होइअ सूरा ॥
इन्द्रजालि कह कहिअ न बीरा । काटइ निज कर सकल सरीरा ॥

sunu mati-mandu-dehi aba pūrā | kāṭeṃ sīsa ki hoia sūrā ||
indrajāli kaha kahia na bīrā | kāṭai nija kara sakala sarīrā ||