अध्याय 27: अंगद की भविष्यवाणी: सिर गेंद बनेंगे

सुनु रावन परिहरि चतुराई । भजसि न कृपासिन्धु रघुराई ॥
जौं खल भएसि राम कर द्रोही । ब्रह्म रुद्र सक राखि न तोही ॥

sunu rāvana parihari caturāī | bhajasi na kṛpāsindhu raghurāī ||
jauṃ khala bhaesi rāma kara drohī | brahma rudra saka rākhi na tohī ||

मूढ़ वृथा जनि मारसि गाला । राम-बयर अस होइहि हाला ॥
तव सिर-निकर कपिन्ह के आगें । परिहहिँ धरनि राम-सर-लागें ॥

mūr̤ha vṛthā jani mārasi gālā | rāma-bayara asa hoihi hālā ||
tava sira-nikara kapinha ke āgeṃ | parihahim̐ dharani rāma-sara-lāgeṃ ||

ते तब सिर कन्दुक इक नाना । खेलहहिं भालु कीस चौगाना ॥
जबहिँ समर कोपहि रघुनायक । छुटिहहिँ अति कराल बहु सायक ॥

te taba sira kanduka ika nānā | khelahahiṃ bhālu kīsa caugānā ||
jabahim̐ samara kopahi raghunāyaka | chuṭihahim̐ ati karāla bahu sāyaka ||

तब कि चलिहि अस गाल तुम्हारा । अस बिचारि भजु राम उदारा ॥
सुनत बचन रावन परजरा । जरत महानल जनु धुन परा ॥

taba ki calihi asa gāla tumhārā | asa bicāri bhaju rāma udārā ||
sunata bacana rāvana parajarā | jarata mahānala janu dhuna parā ||