अध्याय 25: रावण अपना पराक्रम बखानता है

सुनु सठ सोइ रावन छल-सोला । हर-गिरि जानु जासु भुज-लीला ॥
जान उमापति जासु सुराई । पूजेउँ जेहि सिर-सुमन चढ़ाई ॥

sunu saṭha soi rāvana chala-solā | hara-giri jānu jāsu bhuja-līlā ||
jāna umāpati jāsu surāī | pūjeum̐ jehi sira-sumana car̤hāī ||

सिर सरोज निज करन्हि उतारी । पूजेउँ अमित बार त्रिपुरारी ॥
भुज विक्रम जानहिँ दिगपाला । सठ अजहूँ जिनके उर साला ॥

sira saroja nija karanhi utārī | pūjeum̐ amita bāra tripurārī ||
bhuja vikrama jānahim̐ digapālā | saṭha ajahūm̐ jinake ura sālā ||

जानहिं दिग्गज उर कठिनाई । जब जन भिरउँ जाइ बरिआई ॥
जिन्ह के दसन कराल न फूटे । उर लागत मूलक इव टूटे ॥

jānahiṃ diggaja ura kaṭhināī | jaba jana bhiraum̐ jāi bariāī ||
jinha ke dasana karāla na phūṭe | ura lāgata mūlaka iva ṭūṭe ||

जासु चलत डोलति इमि धरनी । चढ़त मत्त-गज जिमि लघु तरनी ॥
सोइ रावन जग बिदित प्रतापी । सुनेहि न श्रवन अलीक प्रलापी ॥

jāsu calata ḍolati imi dharanī | car̤hata matta-gaja jimi laghu taranī ||
soi rāvana jaga bidita pratāpī | sunehi na śravana alīka pralāpī ||