अध्याय 20: अंगद का पहला सन्देश: शरण लो और बचो

कह दसकंठ कवन तैं बन्दर । मैं रघुबीर दूत दसकन्धर ॥
मम जनकहि तोहि रही मिताई । तव हित कारन आयउँ भाई ॥

kaha dasakaṃṭha kavana taiṃ bandara | maiṃ raghubīra dūta dasakandhara ||
mama janakahi tohi rahī mitāī | tava hita kārana āyaum̐ bhāī ||

उत्तम-कुल पुलस्ति कर नाती । सिव बिरञ्चि पूजेहु बहु भाँती ॥
बर पायहु कीन्हेहु सब काजा । जीतेहु लोकपाल सब राजा ॥

uttama-kula pulasti kara nātī | siva birañci pūjehu bahu bhām̐tī ||
bara pāyahu kīnhehu saba kājā | jītehu lokapāla saba rājā ||

नृप अभिमान मोह बस किंबा । हरि आनिहु सीता जगदम्बा ॥
अब सुभ कहा सुनहु तुम्ह मोरा । सब अपराध छमिहि प्रभु तोरा ॥

nṛpa abhimāna moha basa kiṃbā | hari ānihu sītā jagadambā ||
aba subha kahā sunahu tumha morā | saba aparādha chamihi prabhu torā ||

दसन गहहु तन कंठ कुठारी । परिजन सहित सङ्ग निज नारी ॥
सादर जनक-सुता करि आगें । एहि विधि चलहु सकल भय त्यागें ॥

dasana gahahu tana kaṃṭha kuṭhārī | parijana sahita saṅga nija nārī ||
sādara janaka-sutā kari āgeṃ | ehi vidhi calahu sakala bhaya tyāgeṃ ||