अध्याय 2: श्रीराम द्वारा रामेश्वर में शिव की स्थापना

सैल बिसाल आनि कपि देहीं । कन्दुक इव नल नील ते लेहीं ॥
देखि सेतु अति सुन्दर रचना । बिहसि कृपानिधि बोले बचना ॥

saila bisāla āni kapi dehīṃ | kanduka iva nala nīla te lehīṃ ||
dekhi setu ati sundara racanā | bihasi kṛpānidhi bole bacanā ||

परम-रम्य उत्तम यह धरनी । महिमा अमित जाइ नहिँ बरनी ॥
करिहउँ इहाँ संभु थापना । मोरे हृदयँ परम-कलपना ॥

parama-ramya uttama yaha dharanī | mahimā amita jāi nahim̐ baranī ||
karihaum̐ ihām̐ saṃbhu thāpanā | more hṛdayam̐ parama-kalapanā ||

सुनि कपीस बहु दूत पठाये । मुनिबर सकल बोलि लेइ आये ॥
लिङ्ग थापि विधिवत करि पूजा । सिव समान प्रिय मोहि न दूजा ॥

suni kapīsa bahu dūta paṭhāye | munibara sakala boli lei āye ||
liṅga thāpi vidhivata kari pūjā | siva samāna priya mohi na dūjā ||

सिव-द्रोही मम भगत कहावा । सो नर सपनेहुँ मोहि न भावा ॥
सङ्कर-विमुख भगति चह मोरी । सो नारकी मूढ़ मति थोरी ॥

siva-drohī mama bhagata kahāvā | so nara sapanehum̐ mohi na bhāvā ||
saṅkara-vimukha bhagati caha morī | so nārakī mūr̤ha mati thorī ||