अध्याय 114: मृत वानरों का जीवित होना, शिवजी का आगमन

सुनु सुरपति कपि भालु हमारे । परे भूमि निसचरन्हि जे मारे ॥
मम हित लागि तजे इन्ह प्राना । सकल जिआउ सुरेस सुजाना ॥

sunu surapati kapi bhālu hamāre | pare bhūmi nisacaranhi je māre ||
mama hita lāgi taje inha prānā | sakala jiāu suresa sujānā ||

सुनु खगेस प्रभु के यह बानी । अति अगाध जानहिँ मुनि-ज्ञानी ॥
प्रभु सक त्रिभुवन मारि जिआई । केवल सक्रहि दीन्हि बड़ाई ॥

sunu khagesa prabhu ke yaha bānī | ati agādha jānahim̐ muni-jñānī ||
prabhu saka tribhuvana māri jiāī | kevala sakrahi dīnhi bar̤āī ||

सुधा बरषि कपि भालु जिआये । हरषि उठे सब प्रभु पहिँ आये ॥
सुधाबृष्टि भै दुहु दल ऊपर । जिये भालु कपि नहिँ रजनीचर ॥

sudhā baraṣi kapi bhālu jiāye | haraṣi uṭhe saba prabhu pahim̐ āye ||
sudhābṛṣṭi bhai duhu dala ūpara | jiye bhālu kapi nahim̐ rajanīcara ||

रामाकार बसहु तिन्ह के मन । मुक्त भये छूटे भव-बन्धन ॥
सुर-अंसिक सब कपि अरु रीछा । जिये सकल रघुपति कीं ईछा ॥

rāmākāra basahu tinha ke mana | mukta bhaye chūṭe bhava-bandhana ||
sura-aṃsika saba kapi aru rīchā | jiye sakala raghupati kīṃ īchā ||

राम सरिस को दीन-हितकारी । कीन्हे मुकुत निसाचर कारी ॥
खल भल-धाम काम-रत रावन । गति पाई जो मुनिबर पाव न ॥

rāma sarisa ko dīna-hitakārī | kīnhe mukuta nisācara kārī ||
khala bhala-dhāma kāma-rata rāvana | gati pāī jo munibara pāva na ||