अध्याय 112: महाराज दशरथ का पुत्र को देखने आना

तेहि अवसर दसरथ तहँ आये । तनय बिलोकि नयन जल छाये ॥
अनुज सहित प्रभु बन्दन कीन्हा । आसिरबाद पिताँ तब दीन्हा ॥

tehi avasara dasaratha taham̐ āye | tanaya biloki nayana jala chāye ||
anuja sahita prabhu bandana kīnhā | āsirabāda pitām̐ taba dīnhā ||

तात सकल तव पुन्य प्रभाऊ । जीत्यों अजय निसाचर-राऊ ॥
सुनि सुत बचन प्रीति अति बाढ़ी । नयन सलिल रोमावलि ठाढ़ी ॥

tāta sakala tava punya prabhāū | jītyoṃ ajaya nisācara-rāū ||
suni suta bacana prīti ati bār̤hī | nayana salila romāvali ṭhār̤hī ||

रघुपति प्रथम प्रेम अनुमाना । चितइ पितहि दीन्हेउ दृढ़ ज्ञाना ॥
ताते उमा मोच्छ नहिं पायो । दसरथ भेद-भगति मन लायो ॥

raghupati prathama prema anumānā | citai pitahi dīnheu dṛr̤ha jñānā ||
tāte umā moccha nahiṃ pāyo | dasaratha bheda-bhagati mana lāyo ||

सगुनोपासक मोच्छ न लेहीं । तिन्ह कह राम भगति निज देहीं ॥
बार बार कर प्रभुहि प्रनामा । दसरथ हरषि गये सुरधामा ॥

sagunopāsaka moccha na lehīṃ | tinha kaha rāma bhagati nija dehīṃ ||
bāra bāra kara prabhuhi pranāmā | dasaratha haraṣi gaye suradhāmā ||