अध्याय 10: रावण पुत्र को झिड़ककर भोग में डूबा

यह मत जौँ मानहु प्रभु मोरा । उभय प्रकार सुजस जग तोरा ॥
सुत सन कह दसकंठ रिसाई । असि अति सठ केहिं तोहि सिखाई ॥

yaha mata jaum̐ mānahu prabhu morā | ubhaya prakāra sujasa jaga torā ||
suta sana kaha dasakaṃṭha risāī | asi ati saṭha kehiṃ tohi sikhāī ||

अबहीं ते उर संसय होई । बेनु-मूल सुत भयहु घमोई ॥
सुनि पितु गिरा परुष अति घोरा । चला भवन कहि बचन कठोरा ॥

abahīṃ te ura saṃsaya hoī | benu-mūla suta bhayahu ghamoī ||
suni pitu girā paruṣa ati ghorā | calā bhavana kahi bacana kaṭhorā ||

हित मत तोहि न लागत कैसें । काल-बिबस कह भेषज जैसें ॥
सन्ध्या समय जानि दससीसा । भवन चलेउ निरखत भुज-बीसा ॥

hita mata tohi na lāgata kaiseṃ | kāla-bibasa kaha bheṣaja jaiseṃ ||
sandhyā samaya jāni dasasīsā | bhavana caleu nirakhata bhuja-bīsā ||

लङ्का सिखर उपर आगारा । अति-विचित्र तहँ होइ अखारा ॥
बैठ जाइ तेहि मन्दिर रावन । लागे किंनर गुन-गन-गावन ॥

laṅkā sikhara upara āgārā | ati-vicitra taham̐ hoi akhārā ||
baiṭha jāi tehi mandira rāvana | lāge kiṃnara guna-gana-gāvana ||

बाजहिँ ताल पखाउज बीना । नृत्य करहिँ अपछरा प्रबीना ॥

bājahim̐ tāla pakhāuja bīnā | nṛtya karahim̐ apacharā prabīnā ||