अध्याय 9: बालि का उलाहना और श्रीराम का उत्तर

परा बिकल महि सर के लागें । पुनि उठि बैठि देखि प्रभु आगें ॥
स्याम गात सिर जटा बनाये । अरुन नयन सर चाप चढ़ाये ॥

parā bikala mahi sara ke lāgeṃ | puni uṭhi baiṭhi dekhi prabhu āgeṃ ||
syāma gāta sira jaṭā banāye | aruna nayana sara cāpa car̤hāye ||

पुनि पुनि चितइ चरन चित दीन्हा । सुफल जन्म माना प्रभु चीन्हा ॥
हृदयँ प्रीति मुख बचन कठोरा । बोला चितइ राम की ओरा ॥

puni puni citai carana cita dīnhā | suphala janma mānā prabhu cīnhā ||
hṛdayam̐ prīti mukha bacana kaṭhorā | bolā citai rāma kī orā ||

धरम हेतु अवतरेहु गोसाई । मारेहु मोहि ब्याध की नाई ॥
मैं बैरी सुग्रीव पियारा । अवगुन कवन नाथ मोहि मारा ॥

dharama hetu avatarehu gosāī | mārehu mohi byādha kī nāī ||
maiṃ bairī sugrīva piyārā | avaguna kavana nātha mohi mārā ||

अनुज-बधू भगिनी सुत-नारी । सुनु सठ कन्या सम ये चारी ॥
इन्हहिँ कुद्दष्टि बिलोकइ जोई । ताहि बधें कछु पाप न होई ॥

anuja-badhū bhaginī suta-nārī | sunu saṭha kanyā sama ye cārī ||
inhahim̐ kuddaṣṭi bilokai joī | tāhi badheṃ kachu pāpa na hoī ||

मूढ़ तोहि अतिसय अभिमाना । नारि सिखावन करसि न काना ॥
मम भुज बल आश्रित तेहि जानी । मारा चहसि अधम अभिमानी ॥

mūr̤ha tohi atisaya abhimānā | nāri sikhāvana karasi na kānā ||
mama bhuja bala āśrita tehi jānī | mārā cahasi adhama abhimānī ||