अध्याय 22: वानर सेना और एक मास की अवधि

बानर कटक उमा मैं देखा । सो मूरुख जो करन चह लेखा ॥
आइ राम पद नावहिं माथा । निरखि बदनु सब होहिँ सनाथा ॥

bānara kaṭaka umā maiṃ dekhā | so mūrukha jo karana caha lekhā ||
āi rāma pada nāvahiṃ māthā | nirakhi badanu saba hohim̐ sanāthā ||

अस कपि एक न सेना माहीं । राम कुसल जेहि पूछी नाहीँ ॥
यह कछु नहिँ प्रभु के अधिकाई । विस्व-रूप व्यापक रघुराई ॥

asa kapi eka na senā māhīṃ | rāma kusala jehi pūchī nāhīm̐ ||
yaha kachu nahim̐ prabhu ke adhikāī | visva-rūpa vyāpaka raghurāī ||

ठाढ़े जहँ तहँ आयसु पाई । कह सुग्रीव सबहि समुझाई ॥
राम-काज अरु मोर निहोरा । बानर जूथ जाहु चहुँ ओरा ॥

ṭhār̤he jaham̐ taham̐ āyasu pāī | kaha sugrīva sabahi samujhāī ||
rāma-kāja aru mora nihorā | bānara jūtha jāhu cahum̐ orā ||

जनक-सुता कह खोजहु जाई । मास दिवस महँ आएहु भाई ॥
अवधि मेटि जो बिनु सुधि पाएँ । आवइ बनिहि सो मोहि मराये ॥

janaka-sutā kaha khojahu jāī | māsa divasa maham̐ āehu bhāī ||
avadhi meṭi jo binu sudhi pāem̐ | āvai banihi so mohi marāye ||