अध्याय 21: सुग्रीव की क्षमा-याचना, भरत समान प्रिय

नाइ चरन सिर कह कर जोरी । नाथ मोहि कछु नाहि न खोरी ॥
अतिसय प्रबल देव तव माया । छूटइ राम करहु जौँ दाया ॥

nāi carana sira kaha kara jorī | nātha mohi kachu nāhi na khorī ||
atisaya prabala deva tava māyā | chūṭai rāma karahu jaum̐ dāyā ||

विषय-बस्य-सुर-नर मुनि स्वामी । मैं पावँर पसु कपि अति कामी ॥
नारि नयन सर जाहि न लागा । घोर क्रोध तम-निसि जो जागा ॥

viṣaya-basya-sura-nara muni svāmī | maiṃ pāvam̐ra pasu kapi ati kāmī ||
nāri nayana sara jāhi na lāgā | ghora krodha tama-nisi jo jāgā ||

लोभ पास जेहिं गर न बंधाया । सो नर तुम्ह समान रघुराया ॥
यह गुन साधन तें नहिँ होई । तुम्हरी कृपाँ पाव कोइ कोई ॥

lobha pāsa jehiṃ gara na baṃdhāyā | so nara tumha samāna raghurāyā ||
yaha guna sādhana teṃ nahim̐ hoī | tumharī kṛpām̐ pāva koi koī ||

तब रघुपति बोले मुसकाई । तुम्ह प्रिय मोहि भरत जिमि भाई ॥
अब सोइ जतन करहु मन लाई । जेहि बिधि सीता के सुधि पाई ॥

taba raghupati bole musakāī | tumha priya mohi bharata jimi bhāī ||
aba soi jatana karahu mana lāī | jehi bidhi sītā ke sudhi pāī ||