अध्याय 11: तारा का शोक और सुग्रीव का राज्याभिषेक

राम बालि निज धाम पठावा । नगर लोग सब व्याकुल धावा ॥
नाना बिधि बिलाप कर तारा । छूटे केस न देह सँभारा ॥

rāma bāli nija dhāma paṭhāvā | nagara loga saba vyākula dhāvā ||
nānā bidhi bilāpa kara tārā | chūṭe kesa na deha sam̐bhārā ||

तारा बिकल देखि रघुराया । दीन्ह ज्ञान हरि लीन्ही माया ॥
छिति जल पावक गगन समीरा । पञ्च-रचित अति अधम सरीरा ॥

tārā bikala dekhi raghurāyā | dīnha jñāna hari līnhī māyā ||
chiti jala pāvaka gagana samīrā | pañca-racita ati adhama sarīrā ||

प्रगट सो तनु तव आगें सोवा । जीव नित्य केहि लगि तुम्ह रोवा ॥
उपजा ज्ञान चरन तब लागी । लीन्हेसि परम भगति बर मागी ॥

pragaṭa so tanu tava āgeṃ sovā | jīva nitya kehi lagi tumha rovā ||
upajā jñāna carana taba lāgī | līnhesi parama bhagati bara māgī ||

उमा दारु-जोषित की नाई । सबहि नचावत रामु गोसाई ॥
तब सुग्रीवहिं आयसु दीन्हा । मृतक-कर्म विधिवत सब कीन्हा ॥

umā dāru-joṣita kī nāī | sabahi nacāvata rāmu gosāī ||
taba sugrīvahiṃ āyasu dīnhā | mṛtaka-karma vidhivata saba kīnhā ||

राम कहां अनुजहि समुझाई । राज देहु सुग्रीवहिं जाई ॥
रघुपति चरन नाइ करि माथा । चले सकल प्रेरित रघुनाथा ॥

rāma kahāṃ anujahi samujhāī | rāja dehu sugrīvahiṃ jāī ||
raghupati carana nāi kari māthā | cale sakala prerita raghunāthā ||