अध्याय 84: कामदेव का जगत पर प्रभाव

तदपि करब मैं काज तुम्हारा । स्रुति कह परम-धरम-उपकारा ॥
पर हित लागि तजइ जो देही । सन्तत सन्त प्रसंसहिँ तेही ॥

tadapi karaba maiṃ kāja tumhārā | sruti kaha parama-dharama-upakārā ||
para hita lāgi tajai jo dehī | santata santa prasaṃsahim̐ tehī ||

अस कहि चलेउ सबहि सिर नाई । सुमन धनुष कर सहित सहाई ॥
चलत मार अस हृदयँ बिचारा । सिव-बिरोध ध्रुव मरन हमारा ॥

asa kahi caleu sabahi sira nāī | sumana dhanuṣa kara sahita sahāī ||
calata māra asa hṛdayam̐ bicārā | siva-birodha dhruva marana hamārā ||

तब आपन प्रभाव विस्तारा । निज बस कीन्ह सकल संसारा ॥
कोपेउ जबहिँ बारिचर-केतू । छन महँ मिटे सकल स्रुति-सेतू ॥

taba āpana prabhāva vistārā | nija basa kīnha sakala saṃsārā ||
kopeu jabahim̐ bāricara-ketū | chana maham̐ miṭe sakala sruti-setū ||

ब्रह्मचर्ज ब्रत सञ्जम नाना । धीरज धरम ज्ञान बिज्ञाना ॥
सदाचार जप जोग बिरागा । सभय बिबेक कटक सब भागा ॥

brahmacarja brata sañjama nānā | dhīraja dharama jñāna bijñānā ||
sadācāra japa joga birāgā | sabhaya bibeka kaṭaka saba bhāgā ||