अध्याय 80: ऋषियों को पार्वती का दृढ़ उत्तर

अजहूँ मानहु कहा हमारा । हम तुम्ह कहँ बर नीक बिचारा ॥
अति-सुन्दर सुचि सुखद सुसीला । गावहिँ बेद जासु जस लीला ॥

ajahūm̐ mānahu kahā hamārā | hama tumha kaham̐ bara nīka bicārā ||
ati-sundara suci sukhada susīlā | gāvahim̐ beda jāsu jasa līlā ||

दूषन रहित सकल-गुन-रासी । श्रीपति पुर-बैकुंठ-निवासी ॥
अस बर तुम्हहिँ मिलाउब आनी । सुनत बिहँसि कह बचन भवानी ॥

dūṣana rahita sakala-guna-rāsī | śrīpati pura-baikuṃṭha-nivāsī ||
asa bara tumhahim̐ milāuba ānī | sunata biham̐si kaha bacana bhavānī ||

सत्य कहेहु गिरि-भव तनु एहा । हठ न छूट छूटै बरु देहा ॥
कनकउ पुनि पषान तेँ होई । जारेहुँ सहज न परिहर सोई ॥

satya kahehu giri-bhava tanu ehā | haṭha na chūṭa chūṭai baru dehā ||
kanakau puni paṣāna tem̐ hoī | jārehum̐ sahaja na parihara soī ||

नारद बचन न मैं परिहरऊँ । बसउ भवन उजरउ नहिँ डरऊँ ॥
गुरु कें बचन प्रतीति न जेही । सपनेहुँ सुगम न सुख सिधि तेही ॥

nārada bacana na maiṃ pariharaūm̐ | basau bhavana ujarau nahim̐ ḍaraūm̐ ||
guru keṃ bacana pratīti na jehī | sapanehum̐ sugama na sukha sidhi tehī ||