अध्याय 79: नारद और शिव की कृत्रिम निन्दा

दच्छ-सुतन्ह उपदेसेन्हि जाई । तिन्ह फिरि भवन न देखा आई ॥
चित्रकेतु कर घर उन घाला । कनककसिपु कर पुनि अस हाला ॥

daccha-sutanha upadesenhi jāī | tinha phiri bhavana na dekhā āī ||
citraketu kara ghara una ghālā | kanakakasipu kara puni asa hālā ||

नारद सिख जे सुनहिँ नर नारी । अवसि होहिँ तजि भवन भिखारी ॥
मन कपटी तन-सज्जन चीन्हा । आपु सरिस सबही चह कीन्हा ॥

nārada sikha je sunahim̐ nara nārī | avasi hohim̐ taji bhavana bhikhārī ||
mana kapaṭī tana-sajjana cīnhā | āpu sarisa sabahī caha kīnhā ||

तेहि कें बचन मानि बिस्वासा । तुम्ह चाहहु पति सहज उदासा ॥
निर्गुन निलज कुबेष कपाली । अकुल अगेह दिगम्बर ब्याली ॥

tehi keṃ bacana māni bisvāsā | tumha cāhahu pati sahaja udāsā ||
nirguna nilaja kubeṣa kapālī | akula ageha digambara byālī ||

कहहु कवन सुख अस बर पाये । भल भूलिहु ठग के बौराये ॥
पञ्च कहें सिवँ सती बिबाही । पुनि अवडेरि मराएन्हि ताही ॥

kahahu kavana sukha asa bara pāye | bhala bhūlihu ṭhaga ke baurāye ||
pañca kaheṃ sivam̐ satī bibāhī | puni avaḍeri marāenhi tāhī ||