अध्याय 70: शिव के लिए तप की प्रेरणा

सुरसरि जल कृत बारुनि जाना । कबहुँ न सन्त करहिँ तेहि पाना ॥
सुरसरि मिलें सो पावन जैसें । ईस अनीसहि अन्तर तैसें ॥

surasari jala kṛta bāruni jānā | kabahum̐ na santa karahim̐ tehi pānā ||
surasari mileṃ so pāvana jaiseṃ | īsa anīsahi antara taiseṃ ||

सम्भु सहज समरथ भगवाना । एहि बिबाहँ सब विधि कल्याना ॥
दुराराध्य पै अहहिँ महेसू । आसुतोष पुनि किये कलेसू ॥

sambhu sahaja samaratha bhagavānā | ehi bibāham̐ saba vidhi kalyānā ||
durārādhya pai ahahim̐ mahesū | āsutoṣa puni kiye kalesū ||

जौँ तप करइ कुमारि तुम्हारी । भाविउ मेटि सकहिँ त्रिपुरारी ॥
जद्यपि बर अनेक जग माहीं । एहि कहँ सिव, तजि दूसर नाहीँ ॥

jaum̐ tapa karai kumāri tumhārī | bhāviu meṭi sakahim̐ tripurārī ||
jadyapi bara aneka jaga māhīṃ | ehi kaham̐ siva, taji dūsara nāhīm̐ ||

बर-दायक प्रनतारति-भञ्जन । कृपासिन्धु सेवक-मन-रञ्जन ॥
इच्छित-फल बिनु सिव अवराधे । लहिअ न कोटि जोग जप साधें ॥

bara-dāyaka pranatārati-bhañjana | kṛpāsindhu sevaka-mana-rañjana ||
icchita-phala binu siva avarādhe | lahia na koṭi joga japa sādheṃ ||