अध्याय 69: समर्थ को दोष नहीं लगता

तदपि एक मैं कहउँ उपाई । होइ करइ जौँ दैव सहाई ॥
जस घर मैं बरनेउँ तुम्ह पाहीँ । मिलिहि उमहि तस संसय नाहीँ ॥

tadapi eka maiṃ kahaum̐ upāī | hoi karai jaum̐ daiva sahāī ||
jasa ghara maiṃ baraneum̐ tumha pāhīm̐ | milihi umahi tasa saṃsaya nāhīm̐ ||

जे जे बर के दोष बखाने । ते सब सिव पहिँ मैं अनुमाने ॥
जौँ बिबाह सङ्कर सन होई । दोषउ गुन सम कह सब कोई ॥

je je bara ke doṣa bakhāne | te saba siva pahim̐ maiṃ anumāne ||
jaum̐ bibāha saṅkara sana hoī | doṣau guna sama kaha saba koī ||

जौँ अहि-सेज सयन हरि करहीं । बुध कछु तिन्ह कर दोष न धरहीँ ॥
भानु-कृसानु सर्ब-रस खाहीँ । तिन्ह कहँ मन्द कहत कोउ नाहीँ ॥

jaum̐ ahi-seja sayana hari karahīṃ | budha kachu tinha kara doṣa na dharahīm̐ ||
bhānu-kṛsānu sarba-rasa khāhīm̐ | tinha kaham̐ manda kahata kou nāhīm̐ ||

सुभ अरु असुभ सलिल सब बहई । सुरसरि कोउ अपुनीत न कहई ॥
समरथ कहँ नहिँ दोष गोसाँई । रवि पावक सुरसरि की नाँई ॥

subha aru asubha salila saba bahaī | surasari kou apunīta na kahaī ||
samaratha kaham̐ nahim̐ doṣa gosām̐ī | ravi pāvaka surasari kī nām̐ī ||