अध्याय 6: गुण और दोष से भरा संसार

खल-अघ-अगुन साधू-गुन-गाहा । उभय अपार उदधि अवगाहा ॥
तेहि तेँ कछु गुन दोष बखाने । सङ्ग्रह त्याग न बिनु पहिचाने ॥

khala-agha-aguna sādhū-guna-gāhā | ubhaya apāra udadhi avagāhā ||
tehi tem̐ kachu guna doṣa bakhāne | saṅgraha tyāga na binu pahicāne ||

भलेउ पोच सब विधि उपजाये । गनि गुन दोष बेद बिलगाये ॥
कहहिँ बेद इतिहास पुराना । बिधि-प्रपञ्च गुन अवगुन साना ॥

bhaleu poca saba vidhi upajāye | gani guna doṣa beda bilagāye ||
kahahim̐ beda itihāsa purānā | bidhi-prapañca guna avaguna sānā ||

दुख-सुख पाप-पुन्य दिन-राती । साधु-असाधु सुजाति-कुजाती ॥
दानव-देव ऊँच अरु नीचू । अमिय सुजीवनु माहुर मीचू ॥

dukha-sukha pāpa-punya dina-rātī | sādhu-asādhu sujāti-kujātī ||
dānava-deva ūm̐ca aru nīcū | amiya sujīvanu māhura mīcū ||

माया ब्रह्म जीव-जगदीसा । लच्छि-अलच्छि रङ्क-अवनीसा ॥
कासी-मग सुरसरि-क्रमनासा । मरु-मारव महिदेव-गवासा ॥

māyā brahma jīva-jagadīsā | lacchi-alacchi raṅka-avanīsā ||
kāsī-maga surasari-kramanāsā | maru-mārava mahideva-gavāsā ||

सरग-नरक अनुराग-बिरागा । निगम-अगम गुन-दोष-विभागा ॥

saraga-naraka anurāga-birāgā | nigama-agama guna-doṣa-vibhāgā ||