अध्याय 5: एक ही सागर से उपजे साधु और असाधु

में अपनी दिसि कीन्ह निहोरा । तिन्ह निज ओर न लाउब भोरा ॥
बायस पलिअहिं अति अनुरागा । होहिँ निरामिष कबहुँ कि कागा ॥

meṃ apanī disi kīnha nihorā | tinha nija ora na lāuba bhorā ||
bāyasa paliahiṃ ati anurāgā | hohim̐ nirāmiṣa kabahum̐ ki kāgā ||

बन्दउँ सन्त असज्जन चरना । दुख-प्रद-उभय बीच कछु बरना ॥
बिछुरत एक प्रान हरि लेहीं । मिलत एक दुख दारुन दुख देहीं ॥

bandaum̐ santa asajjana caranā | dukha-prada-ubhaya bīca kachu baranā ||
bichurata eka prāna hari lehīṃ | milata eka dukha dāruna dukha dehīṃ ||

उपजहिँ एक सङ्ग जग माहीं । जलज जोँक जिमि गुन बिलगाहीं ॥
सुधा सुरा सम साधू असाधू । जनक एक जग जलधि अगाधू ॥

upajahim̐ eka saṅga jaga māhīṃ | jalaja jom̐ka jimi guna bilagāhīṃ ||
sudhā surā sama sādhū asādhū | janaka eka jaga jaladhi agādhū ||

भल अनभल निज निज करतूती । लहत सुजस अपलोक बिभूती ॥
सुधा-सुधाकर-सुरसरि-साधू । गरल-अनल-कलिमल सरि ब्याधू ॥

bhala anabhala nija nija karatūtī | lahata sujasa apaloka bibhūtī ||
sudhā-sudhākara-surasari-sādhū | garala-anala-kalimala sari byādhū ||

गुन अवगुन जानत सब कोई । जो जेहि भाव नीक तेहि सोई ॥

guna avaguna jānata saba koī | jo jehi bhāva nīka tehi soī ||