अध्याय 59: सती की राम से देह छूटने की प्रार्थना

नित नव सोच सतीं उर भारा । कब जैहउँ दुख-सागर पारा ॥
मैं जो कीन्ह रघुपति अपमाना । पुनि पति-वचन मृषा करि जाना ॥

nita nava soca satīṃ ura bhārā | kaba jaihaum̐ dukha-sāgara pārā ||
maiṃ jo kīnha raghupati apamānā | puni pati-vacana mṛṣā kari jānā ||

सो फल मोहि बिधाताँ दीन्हा । जो कछु उचित रहा सोइ कीन्हा ॥
अब बिधि अस बूझिअ नहिँ तोही । सङ्कर-बिमुख जिआवसि मोही ॥

so phala mohi bidhātām̐ dīnhā | jo kachu ucita rahā soi kīnhā ||
aba bidhi asa būjhia nahim̐ tohī | saṅkara-bimukha jiāvasi mohī ||

कहि न जाई कछु हृदय गलानी । मन महँ रामहिँ सुमिरि सयानी ॥
जौँ प्रभु दीनदयाल कहावा । आरति-हरन बेद जस गावा ॥

kahi na jāī kachu hṛdaya galānī | mana maham̐ rāmahim̐ sumiri sayānī ||
jaum̐ prabhu dīnadayāla kahāvā | ārati-harana beda jasa gāvā ||

तो मैं बिनय करउँ कर जोरी । छूटउ बेगि देह यह मोरी ॥
जौँ मेरे सिव-चरन सनेहू । मन क्रम बचन सत्य व्रत एहू ॥

to maiṃ binaya karaum̐ kara jorī | chūṭau begi deha yaha morī ||
jaum̐ mere siva-carana sanehū | mana krama bacana satya vrata ehū ||