अध्याय 4: खलों की व्यंग्य भरी वन्दना

बहुरि बन्दि खल गन सतिभाये । जे बिनु काज दाहिनेहु बाएँ ॥
पर-हित-हानि लाभ जिन्ह केरें । उजरें हरष विषाद बसेरें ॥

bahuri bandi khala gana satibhāye | je binu kāja dāhinehu bāem̐ ||
para-hita-hāni lābha jinha kereṃ | ujareṃ haraṣa viṣāda basereṃ ||

हरि-हर-जस राकेस राहु से । पर अकाज भट सहसबाहु से ॥
जे पर-दोष लखहिँ सहसाखी । पर हित घृत जिनके मन माखी ॥

hari-hara-jasa rākesa rāhu se | para akāja bhaṭa sahasabāhu se ||
je para-doṣa lakhahim̐ sahasākhī | para hita ghṛta jinake mana mākhī ||

तेज-कृसानु रोष महिषेसा । अघ-अवगुन-धन धनी धनेसा ॥
उदय केतु सम हित सबही के । कुम्भकरन सम सोवत नीके ॥

teja-kṛsānu roṣa mahiṣesā | agha-avaguna-dhana dhanī dhanesā ||
udaya ketu sama hita sabahī ke | kumbhakarana sama sovata nīke ||

पर अकाज लगि तनु परिहरहीं । जिमि हिम-उपल कृषी दलि गरहीं ॥
बन्दउँ खल जस सेष सरोषा । सहस-बदन बरनइ पर-दोषा ॥

para akāja lagi tanu pariharahīṃ | jimi hima-upala kṛṣī dali garahīṃ ||
bandaum̐ khala jasa seṣa saroṣā | sahasa-badana baranai para-doṣā ||

पुनि प्रनवउँ पृथुराज समाना । पर अघ सुनइ सहस-दस-काना ॥
बहुरि सक्र सम बिनवउँ तेही । सन्तत सुरा-नीक हित जेही ॥

puni pranavaum̐ pṛthurāja samānā | para agha sunai sahasa-dasa-kānā ||
bahuri sakra sama binavaum̐ tehī | santata surā-nīka hita jehī ||

बचन बज्र जेहि सदा पियारा । सहस-नयन पर दोष निहारा ॥

bacana bajra jehi sadā piyārā | sahasa-nayana para doṣa nihārā ||