अध्याय 44: माघ में प्रयाग का भरद्वाज आश्रम

भरद्वाज मुनि बसहिँ प्रयागा । तिन्हहिँ राम-पद अति अनुरागा ॥
तापस सम-दम-दया निधाना । परमारथ-पथ परम सुजाना ॥

bharadvāja muni basahim̐ prayāgā | tinhahim̐ rāma-pada ati anurāgā ||
tāpasa sama-dama-dayā nidhānā | paramāratha-patha parama sujānā ||

माघ मकर-गत-रबि जब होई । तीरथपतिहिं आव सब कोई ॥
देव दनुज किंनर-नर-स्रेनी । सादर मज्जहिँ सकल त्रिबेनीं ॥

māgha makara-gata-rabi jaba hoī | tīrathapatihiṃ āva saba koī ||
deva danuja kiṃnara-nara-srenī | sādara majjahim̐ sakala tribenīṃ ||

पूजहिँ माधव-पद-जलजाता । परसि अखय बटु हरषहिँ गाता ॥
भरद्वाज-आश्रम अति पावन । परम-रम्य मुनिबर मन भावन ॥

pūjahim̐ mādhava-pada-jalajātā | parasi akhaya baṭu haraṣahim̐ gātā ||
bharadvāja-āśrama ati pāvana | parama-ramya munibara mana bhāvana ||

तहाँ होइ मुनि-रिषय-समाजा । जाहिँ जे मज्जन तीरथराजा ॥
मज्जहिं प्रात समेत उछाहा । कहहिं परसपर हरि-गुन-गाहा ॥

tahām̐ hoi muni-riṣaya-samājā | jāhim̐ je majjana tīratharājā ||
majjahiṃ prāta sameta uchāhā | kahahiṃ parasapara hari-guna-gāhā ||