अध्याय 42: छहों ऋतुओं में कीर्ति की नदी

कीरति सरित छहूँ रितु रूरी । समय सुहावनि पावनि भूरी ॥
हिम हिमसैल-सुता सिव ब्याहू । सिसिर सुखद प्रभु-जनम-उछाहू ॥

kīrati sarita chahūm̐ ritu rūrī | samaya suhāvani pāvani bhūrī ||
hima himasaila-sutā siva byāhū | sisira sukhada prabhu-janama-uchāhū ||

बरनब राम विवाह समाजू । सो मुद-मङ्गल मय रितुराजू ॥
ग्रीषम दुसह राम-बन-गवनू । पन्थ-कथा खर-आतप-पवनू ॥

baranaba rāma vivāha samājū | so muda-maṅgala maya riturājū ||
grīṣama dusaha rāma-bana-gavanū | pantha-kathā khara-ātapa-pavanū ||

बरषा घोर निसाचर रारी । सुर-कुल-सालि सुमङ्गल-कारी ॥
राम-राज सुख बिनय बड़ाई । बिसद सुखद सोइ सरद सुहाई ॥

baraṣā ghora nisācara rārī | sura-kula-sāli sumaṅgala-kārī ||
rāma-rāja sukha binaya bar̤āī | bisada sukhada soi sarada suhāī ||

सती-सिरोमनि सिय-गुन-गाथा । सोइ गुन अमल अनूपम पाथा ॥
भरत सुभाउ सुसीतलताई । सदा एकरस बरनि न जाई ॥

satī-siromani siya-guna-gāthā | soi guna amala anūpama pāthā ||
bharata subhāu susītalatāī | sadā ekarasa barani na jāī ||