अध्याय 361: अवध में आनंद और बालकांड की पूर्णता

बामदेव-रघुकुल गुरु ज्ञानी । बहुरि गाधि-सुत कथा बखानी ॥
सुनि सुनि सुजस मनहिँ मन राऊ । बरनत आपन पुन्य प्रभाऊ ॥

bāmadeva-raghukula guru jñānī | bahuri gādhi-suta kathā bakhānī ||
suni suni sujasa manahim̐ mana rāū | baranata āpana punya prabhāū ||

बहुरे लोग रजायसु भयऊ । सुतन्ह समेत नृपति गृहँ गयऊ ॥
जहँ तहँ राम ब्याह सब गावा । सुजस पुनीत लोक तिहुँ छावा ॥

bahure loga rajāyasu bhayaū | sutanha sameta nṛpati gṛham̐ gayaū ||
jaham̐ taham̐ rāma byāha saba gāvā | sujasa punīta loka tihum̐ chāvā ||

आये ब्याहि राम घर जन तें । बसे अनन्द अवध सब तब तें ॥
प्रभु बिबाहँ जस भयउ उछाहू । सकहिँ न बरनि गिरा अहिनाहू ॥

āye byāhi rāma ghara jana teṃ | base ananda avadha saba taba teṃ ||
prabhu bibāham̐ jasa bhayau uchāhū | sakahim̐ na barani girā ahināhū ||

कबि-कुल-जीवन पावन जानी । राम-सीय-जस मंगल-खानी ॥
तेहि तैं मैं कछु कहा बखानी । करन पुनीत हेतु निज बानी ॥

kabi-kula-jīvana pāvana jānī | rāma-sīya-jasa maṃgala-khānī ||
tehi taiṃ maiṃ kachu kahā bakhānī | karana punīta hetu nija bānī ||