अध्याय 351: सबको दान, बाराती अपने घर गए

देव पितर पूजे बिधि नीकी । पूजीं सकल बासना जी की ॥
सबहिँ बन्दि मागहिं बरदाना । भाइन्ह सहित राम कल्याना ॥

deva pitara pūje bidhi nīkī | pūjīṃ sakala bāsanā jī kī ||
sabahim̐ bandi māgahiṃ baradānā | bhāinha sahita rāma kalyānā ||

अन्तरहित सुर आसिष देहीं । मुदित मातु अञ्चल भरि लेंहीं ॥
भूपति बोलि बराती लीन्हे । जान बसन मनि भूषन दीन्हे ॥

antarahita sura āsiṣa dehīṃ | mudita mātu añcala bhari leṃhīṃ ||
bhūpati boli barātī līnhe | jāna basana mani bhūṣana dīnhe ||

आयसु पाइ राखि उर रामहि । मुदित गये सब निज निज धामहि ॥
पुर नर नारि सकल पहिराये । घर घर बाजन लगे बधाये ॥

āyasu pāi rākhi ura rāmahi | mudita gaye saba nija nija dhāmahi ||
pura nara nāri sakala pahirāye | ghara ghara bājana lage badhāye ||

जाचक-जन जाचहिँ जोइ जोई । प्रमुदित राउ देहिँ सोइ सोई ॥
सेवक सकल बजनिआ नाना । पूरन किये दान सनमाना ॥

jācaka-jana jācahim̐ joi joī | pramudita rāu dehim̐ soi soī ||
sevaka sakala bajaniā nānā | pūrana kiye dāna sanamānā ||