अध्याय 346: माताओं ने परछन का साज सजाया

मोद प्रमोद बिबस सब माता । चलहिँ न चरन सिथिल भए गाता ॥
राम-दरस हित अति अनुरागीँ । परिछनि साज सजन सब लागीँ ॥

moda pramoda bibasa saba mātā | calahim̐ na carana sithila bhae gātā ||
rāma-darasa hita ati anurāgīm̐ | parichani sāja sajana saba lāgīm̐ ||

बिबिध बिधान बाजने बाजे । मङ्गल मुदित सुमित्राँ साजे ॥
हरद दूब दधि पल्लव फूला । पान पूगफल मङ्गल-मूला ॥

bibidha bidhāna bājane bāje | maṅgala mudita sumitrām̐ sāje ||
harada dūba dadhi pallava phūlā | pāna pūgaphala maṅgala-mūlā ||

अच्छत अङ्कुर लोचन लाजा । मञ्जुल मञ्जरि तुलसि बिराजा ॥
छुहे पुरट-घट सहज सुहाये । मदन-सकुन जनु नीड़ बनाये ॥

acchata aṅkura locana lājā | mañjula mañjari tulasi birājā ||
chuhe puraṭa-ghaṭa sahaja suhāye | madana-sakuna janu nīr̤a banāye ||

सगुन सुंगध न जाइ बखानी । मङ्गल सकल सजहिँ सब रानी ॥
रचीं आरतीं बहुत विधाना । मुदित करहिँ कल मङ्गल गाना ॥

saguna suṃgadha na jāi bakhānī | maṅgala sakala sajahim̐ saba rānī ||
racīṃ āratīṃ bahuta vidhānā | mudita karahim̐ kala maṅgala gānā ||