अध्याय 343: विश्वामित्र के चरणों में जनक, अवध की ओर

बार बार करि विनय बड़ाई । रघुपति चले सङ्ग सब भाई ॥
जनक गहे कौसिक पद जाई । चरन-रेनु सिर नयनन्हि लाई ॥

bāra bāra kari vinaya bar̤āī | raghupati cale saṅga saba bhāī ||
janaka gahe kausika pada jāī | carana-renu sira nayananhi lāī ||

सुनु मुनीस बर-दरसन तोरें । अगम न कछु प्रतीति मन मोरें ॥
जो सुख सुजसु लोकपति चहहीं । करत मनोरथ सकुचत अहहीं ॥

sunu munīsa bara-darasana toreṃ | agama na kachu pratīti mana moreṃ ||
jo sukha sujasu lokapati cahahīṃ | karata manoratha sakucata ahahīṃ ||

सो सुख सुजस सुलभ मोहि स्वामी । सर सिधि तव दरसन अनुगामी ॥
कीन्हि बिनय पुनि पुनि सिरु नाई । फिरे महीसु आसिषा पाई ॥

so sukha sujasa sulabha mohi svāmī | sara sidhi tava darasana anugāmī ||
kīnhi binaya puni puni siru nāī | phire mahīsu āsiṣā pāī ||

चली बरात निसान बजाई । मुदित छोट बड़ सब समुदाई ॥
रामहि निरखि ग्राम-नर-नारी । पाइ नयन-फल होहिं सुखारी ॥

calī barāta nisāna bajāī | mudita choṭa bar̤a saba samudāī ||
rāmahi nirakhi grāma-nara-nārī | pāi nayana-phala hohiṃ sukhārī ||