अध्याय 335: नगरवासियों का राजकुमारों को अंतिम दर्शन

चारिउ भाइ सुभायँ सुहाये । नगर नारि नर देखन धाए ॥
कोउ कह चलन चहत हहिं आजू । कीन्ह बिदेह बिदा कर साजू ॥

cāriu bhāi subhāyam̐ suhāye | nagara nāri nara dekhana dhāe ||
kou kaha calana cahata hahiṃ ājū | kīnha bideha bidā kara sājū ||

लेहु नयन भरि रूप निहारी । प्रिय पाहुने भूप-सुत-चारी ॥
को जानइ केहि सुकृत सयानी । नयन अतिथि कीन्हे विधि आनी ॥

lehu nayana bhari rūpa nihārī | priya pāhune bhūpa-suta-cārī ||
ko jānai kehi sukṛta sayānī | nayana atithi kīnhe vidhi ānī ||

मरनसील जिमि पाव पिऊषा । सुरतरु लहइ जनम के भूखा ॥
पाव नारकी हरि-पद जैसें । इन्ह कर दरसन हम कहँ तैसे ॥

maranasīla jimi pāva piūṣā | surataru lahai janama ke bhūkhā ||
pāva nārakī hari-pada jaiseṃ | inha kara darasana hama kaham̐ taise ||

निरखि राम सोभा उर धरहू । निज-मन-फनि-मूरति-मनि करहू ॥
एहि बिधि सबहि नयन फल देता । गये कुअँर सब राज-निकेता ॥

nirakhi rāma sobhā ura dharahū | nija-mana-phani-mūrati-mani karahū ||
ehi bidhi sabahi nayana phala detā | gaye kuam̐ra saba rāja-niketā ||