अध्याय 322: सीता मंडप में लाई जाती हैं

समउ बिलोकि बसिष्ठ बोलाये । सादर सतानन्द सुनि आये ॥
बेगि कुँअरि अब आनहु जाई । चले मुदित मन आयसु पाई ॥

samau biloki basiṣṭha bolāye | sādara satānanda suni āye ||
begi kum̐ari aba ānahu jāī | cale mudita mana āyasu pāī ||

रानी सुनि उपरोहित बानी । प्रमुदित सखिन्ह समेत सयानी ॥
बिप्र बधू कुलबृद्ध बोलाईं । करि कुल रीति सुमङ्गल गाईं ॥

rānī suni uparohita bānī | pramudita sakhinha sameta sayānī ||
bipra badhū kulabṛddha bolāīṃ | kari kula rīti sumaṅgala gāīṃ ||

नारि बेष जे सुर बर बामा । सकल सुभायँ सुन्दरी स्यामा ॥
तिन्हहिँ देखि सुख पावहिँ नारीं । बिनु पहिचानि प्रानहु तैं प्यारीं ॥

nāri beṣa je sura bara bāmā | sakala subhāyam̐ sundarī syāmā ||
tinhahim̐ dekhi sukha pāvahim̐ nārīṃ | binu pahicāni prānahu taiṃ pyārīṃ ||

बार बार सनमानहिँ रानी । उमा-रमा-सारद-सम जानी ॥
सीय सँवारि समाज बनाई । मुदित मंडपहिं चलीँ लवाई ॥

bāra bāra sanamānahim̐ rānī | umā-ramā-sārada-sama jānī ||
sīya sam̐vāri samāja banāī | mudita maṃḍapahiṃ calīm̐ lavāī ||