अध्याय 321: जनक द्वारा दशरथ और छिपे देवताओं का सम्मान

बहुरि कीन्ह कोसलपति पूजा । जानि ईस सम भाव न दूजा ॥
कीन्ह जोरि कर बिनय बड़ाई । कहि निज-भाग्य विभव बहुताई ॥

bahuri kīnha kosalapati pūjā | jāni īsa sama bhāva na dūjā ||
kīnha jori kara binaya bar̤āī | kahi nija-bhāgya vibhava bahutāī ||

पूजे भूपति सकल बराती । समधी सम सादर सब भाँती ॥
आसन उचित दिये सब काहू । कहउँ कहा मुख एक उछाहू ॥

pūje bhūpati sakala barātī | samadhī sama sādara saba bhām̐tī ||
āsana ucita diye saba kāhū | kahaum̐ kahā mukha eka uchāhū ||

सकल बरात जनक सनमानी । दान मान बिनती बर बानी ॥
विधि-हरि-हर-दिसिपति-दिनराऊ । जे जानहिं रघुबीर प्रभाऊ ॥

sakala barāta janaka sanamānī | dāna māna binatī bara bānī ||
vidhi-hari-hara-disipati-dinarāū | je jānahiṃ raghubīra prabhāū ||

कपट विप्र-बर बेष बनाये । कौतुक देखहिँ अति सचु पाये ॥
पूजे जनक देव सम जानें । दिये सुआसन बिनु, पहिचानें ॥

kapaṭa vipra-bara beṣa banāye | kautuka dekhahim̐ ati sacu pāye ||
pūje janaka deva sama jāneṃ | diye suāsana binu, pahicāneṃ ||