अध्याय 319: परछन और श्रीराम का मंडप में आगमन

नयन नीर हठि मङ्गल जानी । परिछनि करहिं मुदित मन रानी ॥
बेद बिदित अरु कुल आचारू । कीन्ह भली बिधि सब व्यवहारू ॥

nayana nīra haṭhi maṅgala jānī | parichani karahiṃ mudita mana rānī ||
beda bidita aru kula ācārū | kīnha bhalī bidhi saba vyavahārū ||

पञ्च-सबद धुनि-मङ्गल-गाना । पट पाँवड़े परहिँ बिधि नाना ॥
करि आरती अरघ तिन्ह दीन्हा । राम गवन मंडप तब कीन्हा ॥

pañca-sabada dhuni-maṅgala-gānā | paṭa pām̐var̤e parahim̐ bidhi nānā ||
kari āratī aragha tinha dīnhā | rāma gavana maṃḍapa taba kīnhā ||

दसरथ सहित समाज बिराजे । विभव बिलोकि लोकपति लाजे ॥
समयँ समयँ सुर बरषहिँ फूला । सान्ति पढ़हिँ महिसुर अनुकूला ॥

dasaratha sahita samāja birāje | vibhava biloki lokapati lāje ||
samayam̐ samayam̐ sura baraṣahim̐ phūlā | sānti par̤hahim̐ mahisura anukūlā ||

नभ अरु नगर कोलाहल होई । आपनि पर कछु सुनइ न कोई ॥
एहि बिधि राम मंडपहिं आये । अरघ देइ आसन बैठाये ॥

nabha aru nagara kolāhala hoī | āpani para kachu sunai na koī ||
ehi bidhi rāma maṃḍapahiṃ āye | aragha dei āsana baiṭhāye ||