अध्याय 310: जनकपुर की स्त्रियाँ अपना सौभाग्य गिनती हैं

जनक-सुकृत-मूरति वैदेही । दसरथ सुकृत राम धरें देही ॥
इन्ह सम काहु न सिव अवराधे । काहु न इन्ह समान फल लाधे ॥

janaka-sukṛta-mūrati vaidehī | dasaratha sukṛta rāma dhareṃ dehī ||
inha sama kāhu na siva avarādhe | kāhu na inha samāna phala lādhe ||

इन्ह सम कोउ न भयउ जग माहीं । है नहिँ कतहूँ होनेउ नाहीं ॥
हम सब सकल सुकृत के रासी । भए जग जनमि जनकपुर-बासी ॥

inha sama kou na bhayau jaga māhīṃ | hai nahim̐ katahūm̐ honeu nāhīṃ ||
hama saba sakala sukṛta ke rāsī | bhae jaga janami janakapura-bāsī ||

जिन्ह जानकी-राम-छबि देखी । को सुकृती हम सरिस बिसेखी ॥
पुनि देखब रघुबीर-बिआहू । लेब भली बिधि लोचन लाहू ॥

jinha jānakī-rāma-chabi dekhī | ko sukṛtī hama sarisa bisekhī ||
puni dekhaba raghubīra-biāhū | leba bhalī bidhi locana lāhū ||

कहहिं परसपर कोकिल-बयनी । एहि बिबाह बड़ लाभु सुनयनीं ॥
बड़ें भाग बिधि बात बनाई । नयन अतिथि होइहहिँ दोउ आई ॥

kahahiṃ parasapara kokila-bayanī | ehi bibāha bar̤a lābhu sunayanīṃ ||
bar̤eṃ bhāga bidhi bāta banāī | nayana atithi hoihahim̐ dou āī ||