अध्याय 293: दूत परशुराम की पराजय सुनाते हैं

सुनि सरोष भृगुनायक आये । बहुत भाँति तिन्ह आँखि देखाये ॥
देखि राम बल निज धनु दीन्हा । करि बहु बिनय गवन बन कीन्हा ॥

suni saroṣa bhṛgunāyaka āye | bahuta bhām̐ti tinha ām̐khi dekhāye ||
dekhi rāma bala nija dhanu dīnhā | kari bahu binaya gavana bana kīnhā ||

राजन राम अतुल बल जैसें । तेज-निधान लखन पुनि तैसें ॥
कम्पहिं भूप बिलोकत जाकें । जिमि गज हरि-किसोर के ताकें ॥

rājana rāma atula bala jaiseṃ | teja-nidhāna lakhana puni taiseṃ ||
kampahiṃ bhūpa bilokata jākeṃ | jimi gaja hari-kisora ke tākeṃ ||

देव देखि तव बालक दोऊ । अब न आँखि तर आवत कोऊ ॥
दूत बचन-रचना प्रिय लागी । प्रेम-प्रताप-बीर रस पागी ॥

deva dekhi tava bālaka doū | aba na ām̐khi tara āvata koū ||
dūta bacana-racanā priya lāgī | prema-pratāpa-bīra rasa pāgī ||

सभा समेत राउ अनुरागे । दूतन्ह देन निछावरि लागे ॥
कहि अनीति ते मूदहिँ काना । धरम बिचारि सबहिँ सुख माना ॥

sabhā sameta rāu anurāge | dūtanha dena nichāvari lāge ||
kahi anīti te mūdahim̐ kānā | dharama bicāri sabahim̐ sukha mānā ||