अध्याय 287: अवध को दूत, मण्डप की रचना आरम्भ

दूत अवधपुर पठवहु जाई । आनहिँ नप दसरथहि बोलाई ॥
मुदित राउ कहि भलेहिं कृपाला । पठये दूत बोलि तेहि काला ॥

dūta avadhapura paṭhavahu jāī | ānahim̐ napa dasarathahi bolāī ||
mudita rāu kahi bhalehiṃ kṛpālā | paṭhaye dūta boli tehi kālā ||

बहुरि महाजन सकल बोलाये । आइ सबन्हि सादर सिर नाये ॥
हाट बार मन्दिर सुर-बासा । नगर सँवारहु चारिहुँ पासा ॥

bahuri mahājana sakala bolāye | āi sabanhi sādara sira nāye ||
hāṭa bāra mandira sura-bāsā | nagara sam̐vārahu cārihum̐ pāsā ||

हरषि चले निज निज गृह आये । पुनि परिचारक बोलि पठाये ॥
रचहु बिचित्र बितान बनाई । सिर धरि बचन चले सचु पाई ॥

haraṣi cale nija nija gṛha āye | puni paricāraka boli paṭhāye ||
racahu bicitra bitāna banāī | sira dhari bacana cale sacu pāī ||

पठये बोलि गुनी तिन्ह नाना । जे बितान विधि कुसल सुजाना ॥
बिधिहि बन्दि तिन्ह कीन्ह अरम्भा । बिरचे कनक कदलि के खंभा ॥

paṭhaye boli gunī tinha nānā | je bitāna vidhi kusala sujānā ||
bidhihi bandi tinha kīnha arambhā | birace kanaka kadali ke khaṃbhā ||