अध्याय 274: परशुराम विश्वामित्र को चेताते हैं

कौसिक सुनहु मन्द यह बालक । कुटिल काल बस निज कुल घालक ॥
भानु-बंस-राकेस कलङ्कू । निपट निरङ्कुस अबुध असंकू ॥

kausika sunahu manda yaha bālaka | kuṭila kāla basa nija kula ghālaka ||
bhānu-baṃsa-rākesa kalaṅkū | nipaṭa niraṅkusa abudha asaṃkū ||

काल-कवलु होइहि छन माहीं । कहउँ पुकारि खोरि मोहि नाहीं ॥
तुम्ह हटकउ जौं चहहु उबारा । कहि प्रताप बल रोष हमारा ॥

kāla-kavalu hoihi chana māhīṃ | kahaum̐ pukāri khori mohi nāhīṃ ||
tumha haṭakau jauṃ cahahu ubārā | kahi pratāpa bala roṣa hamārā ||

लखन कहेउ मुनि सुजस तुम्हारा । तुम्हहिँ अछत को बरनइ पारा ॥
अपने मुँह तुम्ह आपनि करनी । बार अनेक भाँति बहु बरनी ॥

lakhana kaheu muni sujasa tumhārā | tumhahim̐ achata ko baranai pārā ||
apane mum̐ha tumha āpani karanī | bāra aneka bhām̐ti bahu baranī ||

नहिँ संतोषु त पुनि कछु कहहू । जनि रिस रोकि दुसह दुख सहहू ॥
बीरब्रती तुम्ह धीर अछोभा । गारी देत न पावहु सोभा ॥

nahim̐ saṃtoṣu ta puni kachu kahahū | jani risa roki dusaha dukha sahahū ||
bīrabratī tumha dhīra achobhā | gārī deta na pāvahu sobhā ||