अध्याय 273: लक्ष्मण: हमारा कुल ब्राह्मण पर हाथ नहीं उठाता

बिहँसि लखन बोले मृदुबानी । अहो मुनीस महा अट मानी ॥
पुनि पुनि मोहि देखाव कुठारू । चहत उड़ावन फूँकि पहारू ॥

biham̐si lakhana bole mṛdubānī | aho munīsa mahā aṭa mānī ||
puni puni mohi dekhāva kuṭhārū | cahata ur̤āvana phūm̐ki pahārū ||

इहाँ कुम्हड़-बतिया कोउ नाहीं । जे तरजनी देखि मरि जाहीं ॥
देखि कुठार सरासन बाना । मैं कछु कहा सहित अभिमाना ॥

ihām̐ kumhar̤a-batiyā kou nāhīṃ | je tarajanī dekhi mari jāhīṃ ||
dekhi kuṭhāra sarāsana bānā | maiṃ kachu kahā sahita abhimānā ||

भृगुकुल समुझि जनेउ बिलोकी । जो कछु कहहु सहउँ रिस रोकी ॥
सुर महिसुर हरिजन अरु गाई । हमरें कुल इन्ह पर न सुराई ॥

bhṛgukula samujhi janeu bilokī | jo kachu kahahu sahaum̐ risa rokī ||
sura mahisura harijana aru gāī | hamareṃ kula inha para na surāī ||

बधें पाप अपकीरति हारें । मारतहूँ पाँ परिअ तुम्हारें ॥
कोटि कुलिस सम बचन तुम्हारा । व्यर्थ धरहु धनु बान कुठारा ॥

badheṃ pāpa apakīrati hāreṃ | māratahūm̐ pām̐ paria tumhāreṃ ||
koṭi kulisa sama bacana tumhārā | vyartha dharahu dhanu bāna kuṭhārā ||