अध्याय 272: परशुराम अपने फरसे का बखान करते हैं

लखन कहा हँसि हमरें जाना । सुनहु देव सब धनुष समाना ॥
का छति लाभ जून धनु तारे । देखा राम नयन के भोरें ॥

lakhana kahā ham̐si hamareṃ jānā | sunahu deva saba dhanuṣa samānā ||
kā chati lābha jūna dhanu tāre | dekhā rāma nayana ke bhoreṃ ||

छुअत टूट रघुपतिहु न दोषू । मुनि बिनु काज करिय कत रोसू ॥
बोले चितइ परस की ओरा । रे सठ सुनेहि सुभाउ न मोरा ॥

chuata ṭūṭa raghupatihu na doṣū | muni binu kāja kariya kata rosū ||
bole citai parasa kī orā | re saṭha sunehi subhāu na morā ||

बालक बोलि बधउँ नहिँ तोही । केवल मुनि जड़ जानहि मोही ॥
बाल-ब्रह्मचारी अति कोही । बिस्व-विदित छत्रिय-कुल-द्रोही ॥

bālaka boli badhaum̐ nahim̐ tohī | kevala muni jar̤a jānahi mohī ||
bāla-brahmacārī ati kohī | bisva-vidita chatriya-kula-drohī ||

भुज-बल भूमि भूप बिनु कीन्ही । बिपुल बार महिदेवन्ह दीन्ही ॥
सहसबाहु-भुज छेदनिहारा । परसु बिलाकु महीप-कुमारा ॥

bhuja-bala bhūmi bhūpa binu kīnhī | bipula bāra mahidevanha dīnhī ||
sahasabāhu-bhuja chedanihārā | parasu bilāku mahīpa-kumārā ||