अध्याय 271: श्रीराम का विनम्र उत्तर, लक्ष्मण का पहला व्यंग्य

नाथ सम्भु-धनु भञ्जनिहारा । होइहि कोउ एक दास तुम्हारा ॥
आयसु काह कहिय किन मोही । सुनि रिसाइ बोले मुनि कोही ॥

nātha sambhu-dhanu bhañjanihārā | hoihi kou eka dāsa tumhārā ||
āyasu kāha kahiya kina mohī | suni risāi bole muni kohī ||

सेवक सो जो करै सेवकाई । अरि करनी करि करिय लराई ॥
सुनहु राम जेहिं सिव-धनु तोरा । सहसबाहु सम से रिपु मोरा ॥

sevaka so jo karai sevakāī | ari karanī kari kariya larāī ||
sunahu rāma jehiṃ siva-dhanu torā | sahasabāhu sama se ripu morā ||

सो बिलगाउ बिहाइ समाजा । न त मारे जैहहिं सब राजा ॥
सुनि मुनि बचन लखन मुसुकाने । बोले परसुधरहि अपमाने ॥

so bilagāu bihāi samājā | na ta māre jaihahiṃ saba rājā ||
suni muni bacana lakhana musukāne | bole parasudharahi apamāne ||

बहु धनुहीं तोरीं लरिकाईं । कबहुँ न असि रिस कीन्हि गोसाईं ॥
एहि धनु पर ममता केहि हेतू । सुनि रिसाइ कह भृगुकुल केतू ॥

bahu dhanuhīṃ torīṃ larikāīṃ | kabahum̐ na asi risa kīnhi gosāīṃ ||
ehi dhanu para mamatā kehi hetū | suni risāi kaha bhṛgukula ketū ||