अध्याय 27: कलियुग में नाम ही एक आधार

चहुँ जुग तीनि काल तिहुँ लोका । भये नाम जपि जीव विसोका ॥
बेद-पुरान-सन्त मत एहू । सकल सुकृत फल राम सनेहू ॥

cahum̐ juga tīni kāla tihum̐ lokā | bhaye nāma japi jīva visokā ||
beda-purāna-santa mata ehū | sakala sukṛta phala rāma sanehū ||

ध्यान प्रथम जुग मख विधि दूजें । द्वापर परितोषत प्रभु पूजें ॥
कलि केवल मल मूल मलीना । पाप पयोनिधि जन मन मीना ॥

dhyāna prathama juga makha vidhi dūjeṃ | dvāpara paritoṣata prabhu pūjeṃ ||
kali kevala mala mūla malīnā | pāpa payonidhi jana mana mīnā ||

नाम कामतरु काल कराला । सुमिरत समन सकल जग जाला ॥
राम नाम कलि अभिमत दाता । हित परलोक लोक पितु माता ॥

nāma kāmataru kāla karālā | sumirata samana sakala jaga jālā ||
rāma nāma kali abhimata dātā | hita paraloka loka pitu mātā ||

नहिं कलि करम न भगति बिबेकू । राम नाम अवलम्बन एकू ॥
कालनेमि कलि कपट निधानू । नाम सुमति समरथ हनुमानू ॥

nahiṃ kali karama na bhagati bibekū | rāma nāma avalambana ekū ||
kālanemi kali kapaṭa nidhānū | nāma sumati samaratha hanumānū ||